Page 1 of 3 123 LastLast
Results 1 to 10 of 28
Like Tree2Likes

Thread: Best Tatay Advice so far...

  1. #1
    Tiger Ace oliver1013's Avatar
    Join Date
    May 2006
    Location
    QC
    Posts
    6,687

    Default Best Tatay Advice so far...

    May nagpost sa facebook share ko na rin lang..

    The best advice a Dad can give his son.... (natouch ako, I couldn't agree more)

    Anak, sa maniwala ka o sa hindi, ikaw ang pinakamagandang nangyari sa buhay ko. Kahit hindi kami naging mag-asawa ng nanay mo, sana huwag kang magtatampo kung ikasal kami sa iba at magkaroon ka ng mga bagong kapatid. Magmahalan kayo bilang magkakapatid, at huwag ninyong gawing telenobela ang buhay ninyo dahil sa walang kakwenta-kwentang bagay.

    Mahalin mo ang nanay mo. Wala siyang ibang inisip kundi kapakanan mo. Kung paluin ka man niya o sigawan, ito ay dahil may nagawa kang hindi sang-ayon sa mga prinsipyo niya. Itanong mo kung bakit ka niya pinapagalitan. Kung mali ka naman talaga, huwag mo nang ulitin.

    Piliin mong mabuti ang mga kaibigan mo. Huwag sumali sa barkada na may iisang stereotype. Huwag sumali sa barkada na puro jologs, puro conio, puro bakla, puro nerd, puro manginginom, o puro manyak. Siguraduhin mong nakikita mo ang lahat ng klase ng tao sa barkada mo. Mas marami kang matututunan sa kanila kesa sa TV o sa bahay mo. Marami silang maituturo sa’yo na hindi namin kaya, o hindi appropriate na kami ang magturo.

    Maging fluent ka sa written and spoken English. Pag-aralan mong mabuti ang subject-verb agreement. Huwag kang matakot mag-consult sa dictionary o thesaurus kapag may hindi ka naiintindihan. Kasi anak, darating ang araw, makakaapak ka sa ibang bansa, at sigurado akong marami kang makakausap na hindi makakaintindi ng Tagalog. Kahit saang sulok sa mundo, makakahanap ka ng nagsasalita ng English.

    Gawin mo ang lahat para matuto kang mag-gitara. Pag-aralan mo ding kumanta ng nasa tono. Kahit saan mo kasi dalhin ang gitara, maaaliw ka e. Isipin mo yung mga bulag. Hindi sila nakakapag-Playstation. Hindi sila nakakapag-Internet. Hindi sila nanonood ng TV, at hindi sila nakakapag-enjoy sa mall. Pero bigyan mo sila ng gitara at pakantahin mo, matutuwa sila. May kuryente man o wala, mapapasaya ka ng gitara. Makinig ka sa mga kanta ng Beatles. Kapag naging aware ka na sa pag-develop ng musical style ng Beatles, kahit anong genre kaya mong i-appreciate. Sa kanila ka matututong magsulat ng poetry, at sa kanila mo rin matututunan kung paano lagyan ng music ang poetry na ito. Saan ka nakakita ng banda na lampas 30 years nang naghiwalay, patay na ang ilan sa mga miyembro, pero sikat at ginagaya pa rin? Beatles lang ang makakagawa nun, anak.

    Pagdating mo ng college, huwag mong kakalimutang subukan lahat ng kalokohan sa mundo. Bakit college? Kasi kung high school ka magiging sira-ulo, mawawalan ka ng options sa college. Baka sa walang kwentang money-centric computer institute ka bumagsak. Mag-aral ka ng mabuti sa elementary at high school. Dapat makapasok ka sa UP, Ateneo, La Salle, o UST. Dapat maganda yung course mo. Sa college, balansehin mo yung academics mo tsaka kalokohan. Gumimik ka pero pasukan mo lahat ng klase mo kinbukasan. Huwag magpakalasing kung wala kang siguradong uuwian at kung walang aalalay sa yo pag sumusuka ka na. Wag maadik sa droga. Sumubok kang mag-marijuana pero subok lang. Kung dadating yung panahong hindi mo na mapigilang makipag-sex, siguraduhin mo lang na gaganda ang lahi natin kung sakaling mabuntis mo yung makaka-sex mo. Practice safe sex. Wag mong kakalimutang mag-survey ng lugar kung may camera o wala. Kawawa naman ang nanay mo kung malalaman niyang may scandal ka.

    Huwag mong gawing trial and error ang pagkakaroon ng girlfriend. Alamin mo muna kung ano ang kaya mong ibigay sa isang relationship, at kapag nalaman mo na, doon ka maghanap ng isang babaeng magiging masaya sa mga maibibigay mo. Pakinggan mong mabuti ang mga kuwento ng girlfriend mo. Alamin mo kung ano ang mga gusto niya at mga ayaw niya. Huwag mong sisigawan. Dahil ang babae, kapag pinakinggan mo siya at alam niyang nirerespeto mo siya, mamahalin ka nun habambuhay.

    Pagka-graduate mo, iwanan mo na ang mga araw na umaasa ka pa sa ibang tao para mabuhay. Matuto kang mag-ipon. Alamin mo kung tama yung kinakaltas sa sweldo mo. Pinaghirapan mo yang pera na yan. Huwag mong hayaang kunin na lang ng kung sinu-sino. Bago ka gumastos, lagi mong itanong sa sarili mo kung ang bibilhin mo ay isang NEED o isa lamang WANT. Sana maging accountable sa lahat ng ginagawa mo.

    Oo, hindi maganda ang sitwasyon nung dumating ka sa mundo. Pero sana sa paglaki mo, huwag mong sisisihin ang mga pangyayaring ito kaya ka nagrerebelde o nalulugar sa masamang landas. Ang buhay mo ngayon ay dahil sa desisyon namin na mabuhay ka. Pero tandaan mo to: lahat ng mangyayari sa buhay mo e dahil sa mga desisyon mo.

    Anak, marami pa akong gustong sabihin sa iyo. Buti na lang naitanong ko sa isang kaibigan ko kung ano ang kaisa-isang advice na maibibigay niya sa anak niya, at eto yung nasabi niya sa kin. Sa lahat ng maibibigay kong advice, eto ang pinakamahalaga:

    LEARN.

    Huwag kang matakot matuto. Matuto ka sa Discovery at National Geographic channels. Matuto ka sa library. Matuto ka sa Internet. Matuto ka sa news. Matuto ka sa Bible, Koran, at teachings ni Buddha. Matuto ka sa mga pagkakamali namin ng nanay mo. Matuto ka sa mga kaibigan mo. Matuto ka sa mga pagkakamali mo.

    Nagmamahal,
    Tatay
    Last edited by russpogi; 03-06-2009 at 01:36 PM. Reason: added quote...
    ADVERTISEMENTS


  2. #2
    DIY to death!
    Join Date
    Jan 2003
    Posts
    452

    Default Re: Best Tatay Advice so far...

    IMHO, ok na sana, but this part was a letdown: "Sumubok kang mag-marijuana pero subok lang." Everything else is pretty damn good advice.

  3. #3
    Tiger Ace oliver1013's Avatar
    Join Date
    May 2006
    Location
    QC
    Posts
    6,687

    Default Re: Best Tatay Advice so far...

    ^^Onga, pero I think the idea is para lang maexperience, yun nga lang baka magtuloy tuloy

    I myself tried it pero sa isang party way back in college, pero afterwards di ko naman hinanap..

  4. #4
    XTO
    XTO is offline
    Tsikot Member Rank 5 XTO's Avatar
    Join Date
    Nov 2005
    Location
    Quezon City
    Posts
    5,764

    Default Re: Best Tatay Advice so far...

    ako ito naman ang nagustuhan ko: "Wag mong kakalimutang mag-survey ng lugar kung may camera o wala. Kawawa naman ang nanay mo kung malalaman niyang may scandal ka".

    nakakahiya sa mga kamag-anak na makakapanuod baka sabihin di kita tinuruan ng magagarang posisyon

  5. #5
    Photo/Videographer testament11's Avatar
    Join Date
    Sep 2007
    Location
    Marilao
    Posts
    7,391

    Default Re: Best Tatay Advice so far...

    naiyak ako dito ah, hehehe...

    tama naman eh pero parang ineencourage pa ang anak na gumawa ng kalokohan...

  6. #6
    Одна из черт возьми 1D4LV's Avatar
    Join Date
    Oct 2002
    Location
    Las Pinas
    Posts
    13,252

    Default Re: Best Tatay Advice so far...

    seriously, my pop was mum on me trying so many things. hehehehe.

    alam nya that i've tried drugs, alam nya that i smoked pot and cigarettes, and he even knows that i have engaged in PM sex before.... hehehehehe.

    ang kay erpats lang, dapat matutunan mo kung ano ang tama at mali. and kung alam mo na na mali, hwag mo ng gawin ulit.

  7. #7
    Tsikot Member Rank 5 chua_riwap's Avatar
    Join Date
    Sep 2003
    Location
    Where people pray 5X a da
    Posts
    19,447

    Default Re: Best Tatay Advice so far...

    Galing mag-advise ni Daddy.

    Advice ko kay Daddy: Sana pinakasalan mo yung Mommy nung bata..........
    Last edited by chua_riwap; 03-05-2009 at 01:05 PM.

  8. #8
    I'm always around claRkEnt's Avatar
    Join Date
    May 2005
    Location
    Trlc/Sbc
    Posts
    4,618

    Default Re: Best Tatay Advice so far...

    when i read it, it was as if i was the one given the advise. i could relate kasi lahat nung sinabi, nagawa ko yata.

    it was not actually encouraging yung anak na gumawa ng kalokohan. The key word was given at the end : LEARN. and experiencing it firsthand gives thethe best learning.

  9. #9
    Tiger Ace oliver1013's Avatar
    Join Date
    May 2006
    Location
    QC
    Posts
    6,687

    Default Re: Best Tatay Advice so far...

    Kung susubok sa sex siguraduhing gaganda lahi natin nga naman pero dapat sumubok din yung anak ng hindi kagandahan para ma experience din niya

  10. #10
    el moderador... russpogi's Avatar
    Join Date
    Sep 2005
    Location
    Makati City
    Posts
    3,007

    Default Re: Best Tatay Advice so far...

    I read this before... Very nice talaga yung message!


Receive Latest Cars For Sale Alerts via Email

Enter your email address:

Delivered by FeedBurner

Tsikot Car Finder Latest Car Listings
Thousands of Tsikoteers see these ads everyday. Get better results with your car ads. Post your cars for sale at Tsikot Car Finder now!


Page 1 of 3 123 LastLast

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •